قرقيعان

السلاااام عليكم

و مبارك عليكم ما بقى من الشهر

و كل قرقيعان و انتوا بخير

من زمان عن المدونة .. كانت تطري على بالي افكار كنت ابي اكتبها ... بس الدنيا مشاغل

بما اننا نمر بموروث شعبي له مكانته بالمجتمع و هو " القرقيعان " فهذا البوست عبارة عن " قرقيعان تدويني "

(1)



شاركت في هذا الصيف بمؤتمر طلبة الصيدلة في الشرق الأوسط بالأردن .. و كانت زيارتي الأولى للأردن ..



بصراحة حبيت البلد .. كلش ما حسيت بوحشة او غربة .. الوضع جدا عادي و مألوف و نسمع صوت الاذان كل مكان .. و الجو وايد حلو عندهم خصوصا بالليل



يعني توصل درجة الحرارة أواخر العشرينات ...



كانت رحلة و تجربة ممتعة ...


الأحلى زيارتنا لجمعية رعاية اليتيم الأردنية ...


كانت الفكرة ان كل شخص يتبنى أحد الأيتام لمدة 3 ساعات فقط .. يتناول معاه وجبه الغداء .. و يلعبه بمكان يشبه الديسكفري بالمركز العلمي عندنا اسمه " متحف الأطفال بحدائق الحسين "



بصراحة بالبداية وقفت بعيد ما ادري شلون ابدأ الكلام معهم ...

ما ادري شلون تعرفت على بنت عمرها 16 سنة اسمها ياسمين ...


الحمدلله صرنا اصدقاء بسرعة ...


لما قربنا نروح .. قالت لي كلام وايد أثر فيني


فصخت ساعتها اللي كانت لابستها .. و كانت ساعه ابسط من البسيطة يمكن حتى عيالنا بالروضة ما يفكرون يلبسونها .. و قالت :


انا ما عندي شي اعطيج اياه عشان تتذكريني .. ما عندي غير هالساعة .. خليها عندج هدية و ذكرى مني ...


وايد تأثرت .. طبعا ما اخذت الساعة و سويت خطة ثانية .. رحنا محل الهدايا اللي يم المتحف و شريت لها هديه و كرتين .. كرت انا اكتب لها فيه و كرت اهيه تكتب لي فيه ..



(2)

و أخيــــــــــــــــــــــــــــــــــــــــــــــــــــــــــــــــــــــــرا جربت المـــنـــــــســـــــف ...

يعني مو مأساة مثل ما تخيلته ... أعطيه 5 من 10 :P

(3)

على الرغم من إني أكثر وحدة مشلخينها زين بالفواتير .. إلا أنني معجبة بإعلاناتهم التلفزيونية

صراحة صراحة اعلانهم السنة خطير (Y)